2015.07.21-нд Мягмар гараг
Хэн нэгэнтэй үерхдэггүй , нийтийн жишгээр гэрлэх нас нь болчихсон ч ганц бие хүмүүс нийгмийн тодорхой хүрээг эзэлдэг. Ийм байдлыг бусад хүмүүс харахаараа хамгийн түрүүнд асуудаг асуултууд ...
•Эд материал хардаг биз?
•Ямар сонин юм бэ? Өдий насанд...?
•Хэн нэгэнтэй танилцуулж өгөх үү?
•Гадуур зугаацаж цэнгээд яваад байвал...?
•Ул нь дажгүй хэрэн яагаад , яагаад , яагаад...???
Яг үнэндээ хэнд ч хэрэггүй утгагүй асуултууд!!!
Яг ямар хариулт хүсдэг юм бүү мэд.
Зарим хүмүүс хэн ч шохоорхож , өдөж хоргоохгүй болохоор ... гэж боддог байх. За даа ер нь ихэнх хүмүүсийн нийтлэг боддог бодол юм даа.
Гэвч энэ бол өчүүхэн хуурамч бодлыг үнэн гээд итгэчихсэн ойлголт.
Та нар үерхэлийг юу гэж ойлгодог вэ? Мөн гэрлэлтийг ... Энэ зүгээр л хүүхдийн тоглоомноос ч долоондор зүйл юм уу?
Чин сэтгэлээсээ нэг тунгаан бодож үзэхийг би маш их хүсэж байна.
"Би энэ хүнтэй тууштай хамт байхын тулд түүний өмнө ямар ч хариуцлагыг үүрч чадна ... Энэ л хүнд би амьдралынхаа ямар ч үед итгэж болох юм байна. Надад хэцүү үе тохиоход энэ хүн л урвахгүй миний талд зогсох юм байна гэж боддог уу?
Яг энэ л хүн надад хань болно гэж зөн зовин , мэдрэмж чинь хэлдэг үү? Би түүнд юугаа ч зориулсан харамсахгүй гэж сэтгэл зүрх чинь шивнэсэн үү?????
Гэтэл зарим хүмүүсийн ярьж буй зүйлс намайг бүр ойлгомжгүй байдалд оруулчих юм.
Зарим хүмүүс над руу ирээд ийн хэлнэ.
"Надтай хагас жил үерхчих , би чамд амьдрал зааж өгмөөр байна" л гэнэ.
"Чи надтай 3-н сар үерхвэл, тэр хугацаанд чамайг би нээж задалж өгмөөр байна" л гэнэ.
"Чи ингэж амьдарч болохгүй ээ. Би чамд жинхэнэ амьдрал юу болохыг мэдрүүлмээр байна" л гэнэ.
"Зүгээр л өөрийгөө надад даатгачих" л гэнэ
Би гэдэг хүн тэдний ярьж буйгаар бол хорин хэдэн жил огт амьдраагүй болой.
Би тэдний нүдэнд лавтай "Амьд үхдэл" шиг эсвэл "Үхчихсэн загас" шиг харагддаг байх. Бүр хөлдөөгчинд хөлдөөчихсөн. Хэзээ гэсэх нь үл мэдэгдэх үхчихсэн загас...
Их сайхан сэтгэл гэж үүнийг хэлэх үү? Хүнд амьдрал заана гэдэг.
Тэр хүмүүс миний талаар өчүүхэн мэдлэг ч үгүй хирнээ юуг , хэрхэн ,яаж заах гэсэн юм бол?
Юм мэддэг , сэтгэлтэй худал дүр эсгэгчид... Заримдаа гомдох биш бүр үзэн ядмаар ч юм шиг.
Би хэр барагтай бол олон юм ярих дургүй. Ялангуяа өөрийгөө сайрхаж , бусдыг элдэв бусаар шүүж , шүүмжлэхээс аль болох татгалздаг хүн. Гэхдээ энэ удаа үнэн бас бардам биччихэе. Аа биш , бүр хэлчихэе.
Намайг хэр холын бодолтойг чи мэдэхгүй байна. Насаараа би хүсэл мэдрэмжээрээ амьдарч ирсэн. Цаашдаа ч тийм л байна. Ямар нэг зүйлд хүсэл минь төрөхгүй бол намайг мянга хүчилсэн ч би хүсээгүй зүйлээ хийдэггүйг чи бас л анзаараагүй байна. Чиний заахыг хүсэж буй амьдралыг би чамаас илүү мэдэж ч болох. Миний мэдлэгийн далайд сэлж үзээгүй байж , хэр гүехэн эсвэл хэр гүн болохыг чи үл мэднэ. Юмыг бүү өнгөц дүгнэж бай.
Би хорин хэдэн жил амьдрах даа өөрийгөө бүрэн дүүрэн таньж мэдээгүй байхад хэд хоног , сарын дотор чамд өөрийгөө бүхэлд нь зориулчихна гэж яаж бодож чадав аа.!!!
Эр хүн олдохгүй дээ ганцаараа байдаг гэж бодоо юу?
Эрчүүд эмэгтэйчүүдийг гэрээсээ гараа л бол шууд надад өргөн сонголттой олдоно. Бү хүссэнээрээ сонгоод солиод яваад байж ч чадна. Хүсвэл би таалагдсан эмэгтэйнхээ чихэнд хэдэн үгс шивнээд хөтлөөд аваад явчихаж ч чадна. Маргааш нь дахиад өөр нэгнийг дагуулаад явж ч чадна.
Цагаа тулвал чиний бусдад мэдрүүлэхийг хүссэн амьдралыг би тэдэнд чамаас илүү ч мэдрүүлж чадна.
Гол нь би өөрөө хүсвэл шүү дээ. Сэтгэл байхгүй бол ямар ч сайхан зүйл хэн ч биш , юу ч биш болж харагдахыг чи мэдэхгүй биз дээ.
Гэвч би эмэгтэй хүн. Бардам зан ч гэж байна.
Уулзах , үерхэх санал тавьсан болгонд амьдрал зааж , хүн болгонд хүсэл мэдрэмжээ ил мэдрүүлэх гэж явдаг "Буяны байгуулга" ч биш.!!!!!
Надад өөрийн гэх ухаан бодол , хүсэл мөрөөдөл , зорилго , зорилт , үүнийхээ дагуу бусдад тавих цензур ч гэж байна. Энэ цензурт таарч тохирох хүмүүсийг өөрийн хүрээлэлдээ оруулдаг болохоос хэн бүхэнд өөрийгөө нээж дэлгээд явдаг чам шиг сайхан сэтгэлтэй хүн би биш ээ.
Чам шиг ашиг хонжоо хайсан худал дүр эсгэгч нар надтай харьцах нь битгий хэл надруу хараад ч хэрэггүй. Би та нарт угаасаа хурцдана. Та нар надад заах биш би та нарт заах байх шүү.
Үүнийг чи бас л ойлгож амжаагүй л явсан биз.
Тэгэхээр одоо хэн нь гэнэн болж таарч байна даа.
Чи одоо хүртэл намайг хэн нэгний атганд амархан орчих гэнэн охин гэж бодсоор л байна уу?

 2014.05.08

 

Цаг хугацаа өнгөрөх тусам улам , улам түүнд шунан , шунан дурлаад л , татагдаад л , сэтгэл хүчтэй хөдлөх юм. 

Ямар ч үед миний дэргэд байгаа болохоор би ганцаараа байх даа ч уйддаггүй. 

Түүнийг нийтэд түгээн дэлгэрүүлж буй хүмүүст би үнэхээр хайртай. (Уран бүтээлчид) 

Би түүнээс авах ХЯЗГААРГҮЙ ОРОН ЗАЙН мэдрэмжийг өөр хаанаас ч , хэнээс ч авч чадахгүй байх аа.
Түүнийг хэзээд ч үнэнчээр хүндлэн хайрладаг хүмүүсийн нэг нь би байх болно.

Түүнийг үгээр илэрхийлэн ойлгуулахад үнэхээр хэцүү юм аа.

Тэр бол 'УРЛАГ' ...

2015.07.16-нд Пүрэв гараг
Би өнөөдөр ямар нийгэмд амьдарч байгаа билээ.
Мэдсээр  байж ...
Арай илүү хөгжингүй нийгэмд амьдарч байсан бол "Төмөр хүн"-ийг шууд худалдан авах байсан байх.
Гэхдээ би боолтой болмоор байна.
Хүссэн цагт минь бэлэн байж , дуртай дургүйгээ ярьдаггүй боолтой байхыг хүсэх юм.
Тэр боол
Би эзэгтэй ...
Үүнийг мөнхийн дарангуйлан захирах хүсэлтэй Эмили бичиж буй.
Миний дотор хэдэн Эмили тэмцэлдэн оршино вэ?
Заримдаа өөрөө өөрийгөө гайхах юм.

 Эмэгтэй хүн бүр үнэт эдлэл шиг ...

Эхнийх нь: Дэгжин
Хоёр дох нь: Маш сайхан тод гялалзах шигтгээ
Гурав дах нь: Хэний ч шунал хөдөлгөм
•Нэгдүгээр ангилалд хамрагдах эмэгтэйчүүд: "Дэгжин" Бидний өдөр тутамд тааралддаг жирийн эмэгтэйчүүд ...
Юу хэрэгтэй байна түүнийгээ хийдэг. Боломжийн боловсрол , боломжийн ажил , бас гайгүй царай зүстэй.
•Хоёрдугаар ангилалд хамрагдах эмэгтэйчүүд: "Тод гялалзах шигтгээ"
Хөгжиж буй нийгмээс өөрийгөө тусгаарлахыг оролддог "ганцаардмал" (хүмүүсийн нэрлэдгээр) бүрэг , зожиг эмэгтэйчүүд ...
Нууцлаг хирнээ энхрийхэн.
•Гуравдугаар ангилалд хамрагдах эмэгтэйчүүд: "Шунал хөдөлгөм"
Бүхний магнайд алхахыг хүсдэг. Гоо үзэсгэлэнт эмэгтэйчүүд ...
Бодит амьдралд бид эхний эмэгтэйчүүдийг бага анзаардаг. Гэвч хүмүүс ихэвчлэн эхний эмэгтэйчүүдийг сонгон гэр бүл болдог. Нэг л өдөр тэд нэг хэвийн амьдралдаа эрх чөлөөний солиорлыг мэдрэхийг хүснэ. Тэр мөчөөс эхлэн 2,3-р эмэгтэйчүүдэд тэмүүлдэг байх. Мэдээж тэд эрх чөлөөг мэдрүүлж чадна.
Гэхдээ тэмүүлэл бүхэн жаргалтай төгсөж чаддаг болов уу?
Шунал хөдөлгөм гоо үзэсгэлэн хүнд алдар нэр авчирдаг ч , баяр баягалан тайван амьдрал гэдэг магад гоо үзэсгэлэнгээс ч илүү чухал байж болохыг Мэрилин Монро-гийн амьдралын түүх тод томруунаар харуулсан мэт...
Нууцлаг хирнээ энхрий байдал хэн нэгэнд хүчтэй сэтгэгдэл үлдээж чадах ч , тэд гэнэт гарч ирсэн шигээ гэнэт чимээгүйхэн алга болж ч болох. Учир нь ийм эмэгтэйчүүдэд зөвхөн өөрийгөө гэх аминчхан хүсэл үл оршино...

2015.06.21-нд Ням гаргийн тэмдэглэл
Чи надад яг байгаараа таалагддаг. Илүү дутуу маяггүй , шулуун шудрага үнэн яриа , хүлээцтэй байдал чинь ...
Миний хэнд ч хэлдэггүй дотроо нуудаг , зарим хүсэл бодлыг чи үйл хөдлөлөөрөө ил болгон харуулахад би их гайхах юм.
Бодол санааг минь уншаад байгаа юм шиг...
Эсвэл миний бодож явдаг хүслийг хамт биелүүлэхээр ирсэн сахиусан тэнгэр шиг дотны хэдэн найзуудын минь нэг чи байх.
Зуны үдшээр хэн нэгэнтэй хамт гадуур хөтлөлцөн алхахыг боддог байсан юм. Тэгээд голын эргийн хажууд сууж ярилцахыг ... Тэгсэн тэр хүн нь чи байсанд баяртай байна. Учир нь чамтай хамт байхад тайван байдлыг би мэдэрдэг.
Чи надад , миний мэдэхгүй , мэдрээгүй цоо шинэ мэдрэмжүүдийн нэгийг өгсөн. Энэ бол төсөөлөл биш бодит амьдрал байсан.
Амьд харилцаа ...

Би энэ эмэгтэйд хайртай
Би түүнийг насан туршдаа хайрлах хүндэт үүргийг хүлээсэн
Би түүнийг сайн сайхан бүхэн лүү хөтлөх болно
Харин энэ эмэгтэй жаргалтай амьдрах эрхтэй
Бүр ёстой!!!
Түүний оюун бодол нь минийх
Түүний бие нь ч минийх
Бамбагар , зөөлөн , дулаан ...
Зөвхөн МИНИЙХ , өөр хэнийх ч биш
Түүнийг элдэв бусаар туршин тоглох эрх надад байхгүй
Би тэгж чадахгүй , чадах байсан ч ҮГҮЙ!!!
Түүнд би өдөр бүрийг зориулдаг
Түүнд би өөр өөр шинэ мэдрэмжүүдийг мэдрүүлэхийг хичээдэг
Түүнийг би яг байгаагаар нь хайрладаг
Би түүнд хэр их хайртай байдаг шиг
Түүнийг ч бас хүмүүсийг тэгж хайрлаасай гэж хүсдэг
Бидний өдөр тутмын амьдралд хүрэлцдэггүй дотно харилцааны халуун дулааныг энэ эмэгтэйн "Хайр сэтгэл" бэлэглээсэй гэж хүсдэг.