2015.06.14-д Ням гараг
Ичингүйрэл ...
Сандрал ...
Бүрэг зан ...
Байнга эсвэл заримдаа ...
Илэрхийлэх боломжуудыг хааж байгаа гэх үү?
Дарлуулж байгаатай адилхан мэдрэмж гэх үү?
Дотроо ориглож буй хүсэл сонирхол бүгдээ дарж нуусаар байх уу? эсвэл тэвчиж амьдарсаар байх уу?
Ямар ашигтай гэж?
Хэнд хэрэгтэй гэж?
Юуны төлөө гэж?
Сэтгэлийн гүн хүртэлх энэ хувирал , өөрчлөлт
Яг үнэндээ зузаан хаалга шиг
Ичимхий , бүрэг , сандруу  гэх тодотголтой зан чанар ...
Яг үнэндээ энэ бол болгоомжлол
Бүү яар  , нөхцөл байдлыг судал гэж байгаа юм шүү дээ.
Би саяхан яарч үзсээн. Буруу гэдгийг мэдсэн. Алдаа гаргах шахсан. Алдаа гаргахаасаа өмнө ухаарсан. Дахиж яарахгүй гэж шийдсэн. Нөхцөл байдалд хүлээцтэй хандсаар байх нь зөв гэж бодсон. Бас бүхнийг ойлгосон.
Нэг л өдөр хаалга нээгдэнэ. Одоо харин цаг нь биш байна.