Ер нь бол эмэгтэйчүүдийг сайхан эсвэл секси (дур булаам) гэж ангилах нь цэвэр сэтгэлгээний асуудал байх. Энэ ангилал цаг хугацаа өнгөрөх болгонд олон нийтийн ярианы гол сэдэв байсаар ирдэг. Энгийн жишээ: загварын сэтгүүл , телевизийн шоу г.м
Харин надад энэ бүгд утгагүй санагддаг. Би эмэгтэй хүн болгоныг ялгаад яриад байхыг хүсдэггүй. Хүмүүс бүгдийг харж байгаа. Ялгааг нь ч бас мэдэрч л байгаа. Иймэрхүү байдлыг ямар ч хүн зөнгөөрөө мэдэрдэг байх...
Дур булаам секси дүр төрхийг бий болгоход их амархан. Энэ бол сэтгэл санааны л илэрэл. Богино банзал  , торон оймс , өндөр өсгийт цээжээ ил гаргасан задгай хувцас өмсөөд уруулаа тодруулж будахад л ямар ч эмэгтэй секси харагдах нь маргаангүй шүү.
Эмэгтэй хүн жил ирэх тусам гоо үзэсгэлэн , боломжоо "АЛДАЖ" байхад
Эрчүүд эсрэгээрээ улам ахиж , ямар нэг өндөрлөгт өгсөж байдаг.
Тийм учраас ямар ч эмэгтэй дур татам байдлыг илүү хүсдэг байж ч болох юм. Хүмүүс чамайг дур булаам гэж харж байвал аятайхан биз дээ. Ахиад хэсэг зуур ч тийм байхыг хүсч л таараа.
Гэвч зарим үед гадуур явж байхад илт даруу хувцаслаж , тод будаг хэрэглээгүй бүсгүйчүүд тааралддаг. Яг ийм үед байгалийн сонгодог гоо үзэсгэлэн илүү тодорч харагддаг мэт ... Үүнийг л гоо үзэсгэлэн гэмээр шүү .
Гэх дээ үргэлж энгийн даруу ч юм уу эсвэл секси дүртэй байна гэдэг дэндүү уйтгартай санагдах юм. Ямар ч бүсгүй хүнд энэ хоёр чанар хоёулаа байдаг. Аль нэгэнд нь илүү анхаарал хандуулалгүй хоёуланг нь хослуулж чадсан эмэгтэй хамгийн сайхан харагдах болов уу хэмээн тунгаан үүнийг бичиж сууна.

Зарим хүмүүс намайг гоо зүйг хэмжих хэмжүүр нь муу юм байна гэж ойлгож магад.
Миний бие "Ямар ч муухай харагдах зүйлд ямар нэгэн донж байдаг. Түүнийг л олоод харчихвал хамгийн сайхан зүйл болон хувирч болох шүү дээ" гэж боддог.
'Күнзийн сургаал' -н хэдэн мөртөөс үүнийг ухаарч ойлгож билээ.