2015.05.20-ны Эмилигийн тэмдэглэл
Хятадын зартай онгон охин Ган ЛуЛу
Түүний ээж нэг өдөр охиноо угаалгын өрөөнд байхад нь бичлэг хийгээд www.youtube.com сайтад хэдэн жилийн өмнө санаандгүй оруулаад тэр чигт нь мартан орхижээ.
Хэсэг хугацааны дараа ээж охин хоёртой холбогдож уулзахыг хүссэн хүмүүс олширсон байна.
Учир нь охин Ган ЛуЛу 30-н настай бөгөөд өдий хүртлээ хэн нэгэнтэй огт үерхэж үзээгүй аж.
Үүнээс үүдэн охины бие маш олон хүний анхаарлын төвд орсон ба их хэмжээний мөнгө санал болгох хүмүүс ч ихсэх аж.
Охины бие хэд хүрсэн бол???
Би онгон хальсанд их ач холбогдол өгдөг хүмүүсийг сайн ойлгодоггүй.
Хүний биеийг сэтгэлээс илүү чухалчилж байгаа юм шиг таатай санагддаггүй.
Ач холбогдол өгдөг шиг ээ түүнийхээ талаар ямар ч мэдлэг мэдээлэл байхгүйд нь бүр инээд минь хүрдэг.
Тэгээд жаахан мэдээлэл хүргэхийг хүссэн юм.
Онгон хальс гэж ер нь яг юу вэ?
Хурцал үйлдэж үзээгүй охидын үтрээний амсар онгон хальсаар бүрхэгдсэн байдаг.
Гэхдээ бив битүү биш.
Жижигхэн нүхтэй хальс юм.
Тэр нүхээр нь эмэгтэйчүүдийн сарын тэмдэг гадагш ялгаран гарна.
Зүгээр л нэг хальс мэт сонсогдох ч тийм нимгэн зүйл биш.
Ер нь эмэгтэй хүнд өвтгөлт мэдрүүлж , цус нөж гаргах тийм таатай зүйл мөн үү?
Цус гарахгүй тохиолдол байсан ч гэсэн...

1889.04.20 - 1945.04.30
Би ер нь хүмүүсийн секс амьдралын талаар судлах их дуртай.
Сонирхолыг минь татсан хүмүүсийг судалж эхэлдэг. Тэдний нэг бол яах аргагүй Адольф Гитлер байсан.
Гэхдээ юу гээч энэ бол ямар нэг гаж зүйлийг харуулддаг гэсэн үг биш шүү.
Сексийн талаар хамгийн их сонирхон судалдаг хүн яг үнэндээ бодит амьдралд төдийлөн тийм зүйлийг хүсдэггүй гэдгийг нуухыг хүсэхгүй байна.
Ихэнх хүмүүс секс судлаачдыг хаа хамаагүй зүйлс бодитоор туршаад явдаг мэт ойлгох юм.
Тэгэх шаардлага огт байхгүй.
Тэдэнд бэлгийн амьдралаас илүү өөрсдийг нь ойлгож , итгэн дэргэд нь хамт байх онцгой нэгэн хамгаас чухал болохоос нас хүйс , бисекс , гомосекс , транс , гетеро ямар байх нь огт хамаагүй. Энэ бол нээх сонин биш.
Секс судлаач өөр дээрээ туршилт хийх гэхээсээ бусад хосын харилцааг илүү сонирхолтой болгохыг хүсдэг гэдгийг бодууштай...
Миний хувьд Гитлер бол урлагийн мэдрэмж тун сайтай , их сэтгэлийн хөдөлгөөнтэй хүн байсан төдийгүй сексийн зуршил болон хандлага нь эрүүл байсан гэж үздэг. Урлагийн талын аливаа зүйлийг их дэмжиж , хөгжүүлэхийг хүсдэг байдал нь түүний бичлэг , гэрэл зургуудаас надад ажиглагддаг.
Тэр үнэхээр урлагт хайртай нэгэн.
Бусад талуудыг нь бол мэдэхийг хүсэхгүй байна.
Дурдахыг ч хүсэхгүй байна.
Сэтгэл зүй , секс судлаачид Гитлерийн бэлгийн амьдралыг гаж байсан гэж дүгнэдэг.
Түүний баталгаа нь гэвэл Гитлерийн секс амьдралын талаарх мэдээлэл маш бүрхэг байдагт оршино.
Тэрээр өөрийн бас нэгэн амраг болох Джели Раубалыг амиа хорлож нас барсны дараа маш ихээр шаналж байсан юм.
'Гитлер гомосекс' байсан гэх цуурхал олонтой сонсогддог. Энэ нь худлаа юм.
Түүнтэй унтаж байсан эмэгтэйчүүдийн ихэнх нь хэлж байснаар Гитлер эмэгтэй хүний бие махбодийг зүй ёсоор үнэлдэг байсан гэх бөгөөд гомосекс гэх цуурхалд инээд нь хүрдэг байсан гэдэг.
Тэгэхээр тэр эмэгтэйчүүдийн хэлсэн ярьсан нь илүү үнэмшилтэй санагдах юм.
Судлаачидад байдаг бүх мэдээллүүдээс үзэхэд Гитлерийн хувьд хамгийн удаан үргэлжилсэн бөгөөд нэрд гарсан амрагийн түүх нь Ева Браунтай холбоотой байсан нь юм.
Эва Браун сайн дураараа Берлинд ирж , Гитлертэй гэр бүл болж , дараа нь түүнтэй хамт үхэхийг зөвшөөрсөн байдаг.
Энэ эмэгтэй хожим нь Гитлерийн эхнэр болсон бөгөөд эхлээд түүнд зөвхөн сексийн төлөө л хэрэгтэй байж.
Эва Гитлерээс 23-н насаар дүү байсан бөгөөд 1932 оноос эхлэн тэд амрагийн холбоотой болсон.
Баварын сайхан бүсгүйд язгууртан зан үгүйлэгдэж байсан ч түүний гоолиг , бадриун булчинлаг бие нь дутууг нь гүйцэлдүүлдэг байв.
Гэхдээ түүнд ганцхан дутагдал байсан.
Тэр нь хэвийн секс хийхэд хүндрэлтэй хэтэрхий жаахан үтрээ нь юм.
Эва их өвдөлтийг амсан , мэс засал болон мэс заслын дараах эмчилгээ хийлгэсэн гэдэг.
Эва Гитлертэй хамт олон нийтийн газар ил гарч байсангүй.
Эва өөрийн өдрийн тэмдэглэлдээ: "Би түүнд зөвхөн тодорхой зорилгоор хэрэгтэй бөгөөд ... энэ бол өөдгүй хэрэг юм." гэж бичсэн байх аж.
Гитлерийн коммандосын удирдагч Отто Скорценийн нотолж байгаагаар бол Эва дараах зүйлсийг ширхэгчлэн дурдсан гэдэг.
Гитлер ихэвчлэн гутлаа ч тайлалгүй , орлуугаа ч оролгүй шууд шалан дээр хэвтдэг байлаа. Тэр шалан дээр их л эротик харагддаг байв.
Гитлер ихэнхдээ Еваг өрөөндөө нүцгэн байлгахыг хүсдэг.
Тэр түүний хувцсыг өөрөө тайлахыг хүсдэг ба салганасан гараар маш тэвдэнгүй тайлдаг аж.
Хөдөө амарч байх даа Эваг усанд сэлэх , биеэ наранд шарахад нь мөн л нүцгэн байхыг шаарддана.
Түүний нүцгэн гэрэл зургуудыг тэр асар их порно зургийнхаа болон ил захидлын цуглуулгандаа хийдэг байжээ.
Тэр түүний өгзөг хэсгийн зургийг томоор дараад ер бусын өнцөглөж авсан зураг нь хэн нэгний гарт ороход Эваг таних боломжгүй гэж үздэг байв.
1930-иад оны үед Герман даяар нацистуудын удирдагч Гитлер намынхаа үйл хэрэгт улайран зүтгэж байсан нь түүнийг бэлгийн сулралтай гэж цуурхад нөлөөлж байв.
Марзан хүмүүс Гитлерийн цэргийн жагсаал зогсолт болох гэдэснээсээ доор гараа загалмайлж зогсдогийг их л шоглодог байж.
Тэд "Гитлер ажилгаагүй гуравдугаар Рейхын сүүлчийн эрхтнээ нууж байна" хэмээн шоглоцгооно.
21-н настай Аджела /Джели/ Раубал нь Гитлерийн жинхэнэ хайр байсан гэдэг бөгөөд тэр түүний эгчийнх нь охин байв.
1929.09-н сард хар үстэй гоо бүсгүй Мюнхенд Гитлерийн гэрийн үйлчлэгч хийж байсан ээж дээрээ иржээ.
40-н настай "авга ах Адольф" нь өөрийгөө түүний авга ах болгон унтлаганы өрөөнийхөө дэргэдэх өрөөнд байрлуулж , бараг шоронгийн хоригдол аятай болгожээ.
Бүсгүй энэ их анхаарал халамжинд нь татагдаж , удалгүй түүний нууц амраг болсон байна.
Гэвч Джели удалгүй байдлыг ухаарч өөрийн найз нарт мэгшин байж "Миний ах намайг яадгийг та нар мэдэхгүй" гэсэн байдаг.
Джели хичнээн айж байсан ч түүнд буцах зам байгаагүй бөгөөд бүтэн хоёр жилийн турш Гитлерийн садомазохист гаж байдлыг тэвчсэн байна.
Унтлаганы өрөөний цэвэрлэгч нар нь тэдний гаж байдлыг их л гайхаж цөхөрдөг бөгөөд "Тун гайхалтай бөгөөд санаанд оромгүй юм" гэдэг байсан аж.
Гитлерийн дарамтын эсрэг Джели Гитлерийн хувийн жолооч Эмиля Морисыг ашигласан төдийгүй , унтлаганы өрөөний үүдний бүх харуулуудтай сексийн харилцаатай болжээ.
Эцэст нь тэрээр Берлин дэх байрныхаа цонхоор үсэрч амь үрэгдсэн.
Үүнд түүний Еврей эртэй нэр холбогдсон нь нөлөөлсөн байх.
Гитлерийн бусад амрагуудын хувь заяа мөн ийм маягаар өндөрлөсөн байдаг.
Тухайлбал 1939 онд Мюнхенд Англи бүсгүй Юнити Митфорд амиа хорлох гэж оролдоод хагас жил голтой , 9-н жил ухаангүй байж байгаад өнгөрсөн байна.
Тэр үед бууны сум нь түүний толгойд тээглэсэн байжээ.
Мөн Сюзи Липтауэр Гитлертэй шөнө уулзныхаа дараа өөрийгөө дүүжилж үхсэн.
Мими Рейтэр гэгч эмэгтэй мөн амиа хорлох гэж оролсон байдаг.
Гитлертэй дотно харьцаа үүсгэсний дараа ихэнх эмэгтэйчүүд амиа хорлох юм уу Гестапогийнхний гарт алагддаг байсан.
Эдгээр хачин үхлүүдийн шалтгаан нь чухам хэн байв аа.
Магад Гитлерийн унтлаганы өрөөн дэх хэвийн бус явдал байсан байж болох юм.
Магад үүний баталгаа байхгүй биз ээ.
1945.04.29-нд дайн дуусаж Герман бүрэн ялагдсны дараа Гитлер Эва хоёр Берлиний бункерт гэрлэн , маргааш өглөө нь Эва цианы калий ууж , Гитлер өөрийгөө буудан амиа хорлосон гэдэг.

2015.05.11-нд Даваа гараг

Эмилигийн өдрийн тэмдэглэл
Би автобусанд суух дуртай.
Хамгийн хойно ч юм уу хамгийн урд суугаад , үүргэвчээ тэврэнгээ эргэн тойрноо цонхоор харуулдах сайхан шүү.
Заримдаа чихэвчээ зүүгээд намуухан ая сонсох ч таатай.
Байгалийн үзэгдэл юмс аялгуут эгшигт найган бүжих шиг санагддаг.
Өнөөдөр би хамгийн арын суудлуудын голд суусан юм.
Тэгтэл миний хажууд нэг охин суулаа.
Тэр хүмүүсийн хэлж ярьдаг шиг 'хөөрхөн':охидын нэг биш л дээ.
Гэхдээ л түүнд миний анхаарлыг татаж чадах нэг тийм 'сэтгэл татам' байдал нуугдах шиг.
Тэр цүнхэндээ гараа шургуулан талх хуваан амандаа хийнэ.
Талхины сайхан үнэр одоо хүртэл үнэртэх шиг ...
Төд удалгүй зүйрмэглэхэн сууна.
Би түүнийг сэм сэмхэн хажуулдан хараад л , хараад л ...
Юу ч бодож санасан зүйлгүй амаа ангайн зүйрмэглэх тэр өөрийгөө хичнээн сэтгэл булаам харагдаж буйгаа мэдээгүй биз.
Төсөөлөлдөө гар минь түүний уруул , гаранд нь аль хэдийн хүрээд амжсан байлаа.
Зүгээр л хүрсэн өөр юу ч төсөөлөөгүй гэдгээ амлъя.
Охин зүйрмэглэсэн хэвээр хажуу тийш хазайхад харааны шил нь миний цамцанд шүргэх төдий зүрхний минь цохилт улам түргэсч байлаа.
Эргэн тойронд хоосон олон сандал байсан ч холдох гэж би яарсангүй.
Учир нь миний мөрийг дэрлээсэй гэж хүссэн.
Хүссэнээр ч болсон.
Яг тэр мөчид би автобус удаан яваасай эсвэл яг ийм байдлаар цаг хугацааг түр зогсоохыг хүсэж байсан.
Яагаад гэвэл миний буух буудал тун дөхөж байсан юм.
Би дотроо яах учраа олохгүй хөдөлгөөнгүй сууна.
Түүнийг сэрээхгүй яаж босох вэ? эсвэл буудлаа өнгөрөөгөөд сэртэл нь хажууд нь суусаар байх уу? гэж шийдэж ядаг байтал автобус хүчтэй донслон зогсоход охин сэрэв.
Үүнийг далимдуулан голын хаалгаар буух гэж яаран боссон юм даа.
Хэдий богино агшин ч хүчтэй догдлол , сэтгэл булаам дүр зураг ...

2015.05.01 Шөнийн тэмдэглэл /Баасан гараг/

Хүмүүс юунаас хамгийн их таашаал авдаг бол?
Ихэнх нь 'секс' гэж хэлнэ гэдэгт мөрийцсөн ч болох байх.
Харин би өөр зүйлсээс үүнийг мэдрэх юм.
Дуртай таалагдсан номоо уншихад , зураг зурах гэж оролдоход , өдрийн тэмдэглэл бичин суухад ямар их сэрэл мэдрэмж хөдөлдөг гээч ...
Чиний бодож байгаагаас хэд дахин илүү таатай таашаал шүү.
Хэн нэгэнтэй бус хэн нэгний уран бүтээлтэй , өөрийнхөө хийж буй зүйлтэйгээ хий хоосон орон зайд хурцал үйлдэж байна гээд төсөөл дөө.
Солиотой гаж санагдаж байна уу?
Тэр миний биеийн бүхий л хэсэг , бүр эд эс бүхэнд минь хачин жигтэй хүрэхийг би мэдэрдэг болсон.
Энэ бүгдийг би удтал мэдэрч байна.  (харахад , сонсоход , зүгээр шүргэх төдий л...)
Бараг галзуурмаар ...
Заримдаа энэ их төсөөлөл намайг бодит ертөнцөөс их холдуулж байгааг би сүүлийн үед анзаарах болсон. (Нэг хүн анзаарах боломж олгов)
Төсөөлөл дөө авах энэ их хүсэл таашаал дэндүү хүчтэй.
Бодит амьдрал хичнээн баялаг ч төсөөлөлийг эс гүйцэх шиг...
Тийм учраас би
БИЧИХГҮЙ БАЙЖ ЧАДАХГҮЙ
УНШИХГҮЙ БАЙЖ ЧАДАХГҮЙ
ЗУРАХГҮЙ БАЙЖ ЧАДАХГҮЙ
Энэ хүчтэй сэрэл мэдрэмжийг бодит амьдралаас авч чадах болов уу?
Насан туршдаа төсөөлөлдөө нуугдан амьдрах уу?
Эмили гэх зохиомол нэр өөрөө өөртөө өгчихөөд жинхэнэ өөрийгөө нуусаар байх уу?
Өөрийн бүтээлээрээ дамжуулан энэ их хүсэл сонирхолыг бусдад түгээн мэдрүүлэх хэрэгтэй юу?
Эсвэл хэн нэгнийг бусдаас онцгойлон хайрлах ёстой юу?
Түүнийгээ өөр шигээ галзууруулах гэж үү?
Үүнийг миний хонгор уншихад ямар сэтгэгдэл төрөх бол?
Хэдэн цаг , хоног , сараар ч хамаагүй чимээгүйхэн болох хонгор Эмилигийнхээ энэ байдлыг чи минь хүлээн зөвшөөрөх болов уу?
Хэний ч төлөө биш
Зөвхөн өөрийнхөө өнөө мэдрэмжүүдээ авах гэж нуугдах танхил гэргий чинь ...